CYMA Report - Darlawn (Darlawn Branch YMA)

YOUNG MIZO ASSOCIATION

DARLAWN BRANCH

 

   Dated Darlawn: The 18th August 2018

_________________________________________________

1. KHUA :  Darlawn

( Darlawn Branch YMA )

2. TOBUL : 1.Din kum – 1902

   2.Indin Tan dan – Darlawn khua hi Sailo lal Lallula fapa Lallianvunga thlahte khua a ni a.Lallianngura fapa Lalngura fa Vanpuilala khawlian tlanga a awma, a thih hnuin a nu Lalhlupuii chuan Darlawn tlang hi a rawn zuan thla a,Hmunpui an tihah khian in 300 khuain an awm a.Vanpuilala fapa neihchhun Lalhleia chu a nu Chawngpuitualin Vanbawng ah a awmpui; Kum 1877 ah Ratu ah an kai thla a.Kum 1879 ah Sailutar ah leh Hnahsepah an rawn insawn phei a,a hnu kum hnih lek ah hmar lamah an insawn phei leh a.Sukte ral a vangin Lalhleia pu Pawihbawiha belin Khawruhlianah an phei a, kum 1890 ah Vailianin an khua an hal sak a,Kelzamah an chhuka,Hmuizawl ah an kai leh a.Hmuizawla an awm lai chuan Tangkaburhah a then an kai a,Lalhleia fapa Thuamluaia indanna tur a kai an ni; nimahsela Thuamluiaia chu Tlangval mai a la nih avangin Tangkaburh chu a awp lo. Lalhleia chu Sawleng ah a kai chho va,kum 1902-ah Ratu ah a kai phei leh a.Chumi rual chuan Bawrhsap J.Shakepeare-a’n Thuamluaia chu lalna lehkha a pe a,Sawleng leh Darlawn ram hi a ram atan a ti a; tichuan Tangkaburha awm ho te chu ko chhovin darlawn Bangla vengah hian an awm ta a: chuta tang chuan tun thleng hian Darlawn khua chu mei mit lovin a ding hlen ta a ni.

3. Din tu – Thuamluaia,Sailo lal.

3. KHUA/VENG CHANCHIN : Darlawn hi Mizoram hmar lam Tipaimukh road a awm a ni a,hmar tlangdung ah chuan khawpui lian ber a ni. Aizawl atang Km 123 a hlaa awm a ni a,NH-150 in a paltlang a ni.Tuipui zawl atanga teh a feet 3500 a sang,boruak nuam leh thengthaw,zo leh phai thlai te pawhin an thatpui kawp theihna hmun a awm a ni. Ralte hnahthlak an tam ber a,tun hma deuh phei kha chuan Ralte khawpui tih thin hial a ni.

Thil chhinchhiah tlak : SA UI TAN KAWN

Kum 1887 ah khan tuna Darlawn ram Hnahsep hmun ah Thanghulha’n khua a din a. A piah lawk keldaidan lek ah Lalhleia Sailo lal khua Sailutar a awm bawk a,an khua an inzat deuh reng a ni.Thanghulha’n hetia Hnahsep hmuna khua a rawn din mai hi a piah a khua te hian dip deuh in an hria  ani maithei,Lalpuiliana leh Lallianvunga thlahte thin a dam thei ta lo a,Thanghulha khua hi nek chhuah an tum ta a,an indo phah ta hial a,hei hi ‘Chhak leh Thlang Indo’ an vuah a ni.Nasa taka harsatna an tawk dawn ni a an hriat tak avang in inrem zai an rel ta a,an inrem tih entir nan Hnahsep leh Sailutar inkar kawn ah Sa-ui an tan ta a ni.Helai hmun hi tun thleng in Darlawn Joint YMA in a la humhalh tlat a ni.

Darlawn khaw mipui hi atam zawk chu kut hnathawk a, lo neih a eizawng an ni a.Kut themthiam thil avang a eizawng engemaw zat an awm bawk a ni.Sawrkar hnathawk a eizawng tam tak an awm bawk a,khaw taima ve tak kan nih avangin ei leh bar zawnna kawng ah harsatna lutuk a awmlo niin a lang.

4. KHAW MI,MI HMINGTHA LEH CHHUANAWM – 

Infiamna lam ah - Pu Lalsawmliana Sailo :Kum 1986 ah khan Judo (Middle Weight) ah India ramah Champion in,World Championship Munich a khel tura thlan a ni a,mahse chhungkua ah thihna a thlen avangin a kal thei ta lo a ni. Tin,Kum 1991 ah khan Boxing (Middle weight) ah East Zone ah a champion bawk a ni.

                                       Sd/-

                   (JESSIE LALCHHANHIMA)

                                  Secretary

                     Darlawn Branch YMA

 

Note : CYMA in mahni khua/Branch chanchin tawi fel deuh a report tur a min tih ang in,report hi siam a ni a.Lo diklo lai leh fello lai deuh a awm a nih chuan  in mi hriatthiamna ka han dil nghal e.

Ex-Prime Minister of India kan chan ta.

Former Prime Minister of India,Shri Atal Bihari Vajpayee chu vawiin tlai Dar 5:05 khan Kum 94 mi niin AIIMS,New Delhi ah a boral.

INDEPENDENCE DAY 2018 CELEBRATION :DARLAWN

Dated Darlawn, 15th August 2018 : India zalênna champha Independence Day Vawi 71-na chu Darlawn ah pawh ropui tak a lawmna neih a ni a.GSA Playground Darlawn venghlun ah neih ni in,chawhma Dar 11:00 ah khuallian Pu H.Zonunmawia MCS,BDO Darlawn in National Flag pawtpharh in sikul naupang March pass te chibaibukna a chhanglet a ni.Darlawn Higher Secondary School naupang ten National  Anthem an sa a,Khuallian in thu a sawi zawh in,March pass lawmman sem zui nghal a ni.Kumin ah hian March pass Contingents Pariat an awm a.Pakhatna Don Bosco School,Darlawn, Pahnihna Darlawn Higher Secondary School leh Pathumna Presbyterian English School te an ni a,March Pass a School tel zawng zawng hnen ah Consolation Prize pek vek an ni bawk ani.

Independence Day Celebration zawh ah hian Independence Day Men's Football running Trophy 2018 Final khelh zui nghal a ni a.Final ah hian Angels SC Darlawn leh Chhanchhuahna GSA te in khel in,Chhanchhuahna GSA hi 2-0 a chakin an champion a ni.

INDEPENDENCE DAY FOOTBALL RUNNING TROPHY - 2018

Dt 15.8.2018(Nilaini) Final Result: 

Chhanchhuahna GSA 2 - 0 Angels FC Darlawn

Result kimchang:

Champion: Chhanchhuahna GSA

Runner Up: Angels FC Darlawn

Semi Finalist: Sunhluchhip GSA & J&S M FC Ratu

Fairplay Award: Sunhluchhip GSA

Top Scorer: H.Lalnunpuia East Phaileng GSA 'B' (8 Goals)

Best Player: Johny Lalramliana Angels FC Darlawn.

TUIRINI LEI CHIM AVANGA HARSATNA THLEN DAN HRANG HRANG TE

Hmar tlangdung khaw hrang hrang te in kalpawna kawng ber TUIRINI LEI chu dawh that tur a hmalak mek laiin February ni 13 2018 an a chim ta hlauh mai a,mi pakhatin nunna a chan phah hial a ni.

Lei ber a chhiat tak ah chuan kawng hrang hrang in rilru ngaihtuahna hman a ni a.Chalfilh Group YMA hnuaia Branch hrang hrang ten hnatlangin kan kawng tur siam hnatlang neih a ni a.Tuilian ten min tihchhiat sak leh thin a,a helna tur in Buhban lam kawng te siamtha in hnatlang te pawh neih thin a ni.

TUIRINI LEI chu a dawhthat leh hna thawh chhunzawm chhoh zel niin,ni 6 August 2018 hian Dr.Ngurdingliana M.L.A Chalfilh Constituency bialtu in a hawng a ni.

Hnatlang leh Tuirini Lei siamthar Photo thenkhat te :

CHALFILH GROUP YMA CONFERENCE 2018 @LAILAK HLIMTHLA THENKHAT TE

Ni 4-6 April 2018 chhung khan Chalfilh Group YMA Conference chu Lailak ah neih niin,kan Branch atang Member thahnem tak kan kal thei a,a lawmawm takzet ani.Tin, Lengkhawm zâi intihsiak ah Lawmman Pahnihna kan la bawk a ni.Branch aiawha Items neitu te pawn tha takin an hlen chhuak thei a,hlim takin hun kan hmang ho thei niin kan hria a,a lawmawm takzet a ni.

THLANMUAL STORE ROOM SAKTAN A NI.

Dated 6th August 2018:
Thlanmual a kan Store Room tur chu sak tan  a ni a,a chung lam hi han thutchawlh na tur atan a siam niin,a hnuai hi Thlanmuala kan bungraw hrang hrang te dah na tur a ni.

BRANCH HNATLANG

Darlawn Branch YMA 4th.August.2018:

Vawiin ah Branch hnatlangpui neih niin,mi 15 lai mai kan thawk chhuak thei a,mi tlawmngai hnatlanga thawk chhuak zawng zawng chung ah Branch in lawmthu a sawi tak meuh meuh a ni.Tin, Hlo kahna bur min hman hawh tir tute zawng zawng chung ah lawmthu kan sawi bawk ani.

Vawiin hnatlang ah hian Branch huamchhunga kawng ko leh kawngsir te Hlo tûr a kah niin,hlo tûr hi Darlawn Vengpui VC ten min ngaihtuah sak vek a.Tin,chhun a kan thil eitur zawng zawng te pawh min la ngaihtuah sak leh ta zel a,Darlawn Vengpui VC te chung ah lawmthu kan sawi tak meuh meuh a ni.

Pu Vanlalhruaia H.D,Horticulture Department in kan mamawh em em mai Hlo kahna bur tha tak mai min pe a.Pu Hruaia te chhungkua chung ah thinlung takin Darlawn Branch YMA in lawmthu kan sawi tak meuh meuh ani.

                  Sd/-

(JESSIE LALCHANHIMA)

           Secretary

Darlawn Branch YMA